Friday, September 27, 2013

Meistaramót Vìkingaklúbbsins í atskák 2013

Meistaramót Víkingakllúbbsins í atskák verður haldið í Víkinni Víkingsheimilinu, miðvikudaginn 2. október kl. 20.00. Tefldar verða 6. umferðir með 15. mínútna umhugsunartíma. Núverandi atskaḱmeistari Víkingaklúbbsins er Ólafur B. Þórsson.






Barnaskákmót Víkingaklúbbsins 2013

Barnaskákmót Víkingaklúbbsins verður haldið í Víkinni, Vìkingsheimilinu miðvikudaginn 2. október kl. 17.00 Allir krakkar 6. ára og eldri velkomin. Tefldar verða 6. umferðir með 10. mínútna umhugsunartíma og það kostar ekkert að vera með. Núverandi barnaskákmeistari Víkingaklúbbsins er Jón Hreiðar Rúnarsson.

Tuesday, September 24, 2013

Afmælismót formanns 2013

Stórafmælismót formanns Víkingaklúbbsins var haldið að heimili formanns í Álftamýri föstudaginn 18. september. Afmælisbarnið Gunnar f. 8. september vildi halda upp á afmælið sitt með óvenjulegum hætti eins og undanfarin ár. 

Úrslit mótsins urðu þau að thrír keppendur urðu efstir og jafnir eftir mikil átök.  Muna menn ekki eftir að slíkt hafi gerst á æfingu Víkingaklúbbsins í Víkingaskák.  Gunnar Fr, Sveinn Ingi Sveinsson og Thröstur Thórsson fengu allir 4. vinninga af 5. mögulegum.  Sveinn Ingi sem hafði verið ósigraður fram að síðustu umferð tapaði í lokaumferðinni fyrir Gunnari Freyr.  Tefldur var bráðabanaskákir, sem endaði með thví að Thröstur Thórsson sigraði og var hann vel að sigrinum kominn, enda sennilega að vinna stórmót í Víkingaskák í fyrsta skipti.  Teflt var með 10. mínútna umhugsunartíma á skák.

Úrslit:

1. Thröstur Thórsson 4. vinninga.
2. Gunnar Fr. Rûnarsson 4.v.
3. Sveinn Ingi Sveinsson 4.v.
4. Halldór Ólafsson 2. v.
5. Arnar Valgeirsson 1.v. 
6. Orri Víkingsson 0.v.




Barnaæfingar Víkingaklúbbsins haustið 2013

Fyrsta barnaskákæfing vetrarins var haldin miðvikudaginn 18. september í Víkinni.  Nokkur ný andlit litu á fyrstu æfinguna og voru thað mjög áhugasamir strákar.  Núna hefjum við leikinn kl 17.10, en ekki 17.00 til krakkarnir geti skilað sér af öðrum íthróttaviðburðum víðs vegar um bæinn. Leiðbeinendur á æfingunni voru Tómas Björnsson fidemeistari og Gunnar Fr. Rúnarsson.

18. september. 17.10-18.30.
25. september. 17-10-18.30.
2. október. 17.10-19.00. Barnamót Víkingaklúbbsins 2013
9. október. 17.10-18.30 
16. október. 17.10-18.30.
23. október. 17.10-18.30. (fellur niður vegna Evrópumóts taflfélaga)
30. október. 17.10-18.30 
6. nóvember. 17.10-18.30.
13. nóvember. 17.10-18.30. 
20. nóvember. 17.10-18.30.
27. nóvember. 17.10-18.30. 
4. desember. 17.10-18.30.  
11. desember. Barnajólamót Víkingaklúbbsins 
(Jólafrí, æfingar hefjast aftur miðvikudaginn 15. janúar osf)  


Sunday, September 15, 2013

Mótaáætlun Víkingaklúbbsins haustið 2013

Knattspyrnufélagið Víkingur og Víkingaklúbburinn verða með skákæfingar fyrir börn og unglinga í Víkinni Víkingsheimilinu á miðvikudögum í vetur Barna og unglingaæfingar verða:

18. september. 17.10-18.30.
25. september. 17-10-18.30.
2. október. 17.10-19.00. Barnamót Víkingaklúbbsins 2013
9. október. 17.10-18.30 16. október. 17-10-18.30.
23. október. 17-10-18.30. (fellur niður vegna Evrópumóts taflfélaga)
30. október. 17.10-18.30 6. nóvember. 17.10-18.30.
13. nóvember. 17.10-18.30. 20. nóvember. 17-10-18.30.
27. nóvember. 17.10-18.30. 4. desember. 17.10-18.30. 
11. desember. Barnajólamót Víkingaklúbbsins (Jólafrí, æfingar hefjast aftur miðvikudaginn 15. janúar osf) 

Fullorðinsæfingar Skák & Víkingaskák

18. september. Afmælismót formanns (Víkingaskák) kl 20.00 (Staðsetning óákveðin)
2. oktober. Atskákmót Víkingaklúbbsins (Víkin) kl 20.00 (Íslandsmót skákfélaga 10-13 oktober)
16. oktober. Víkingaskák (Víkin) kl 20.00 (Evrópumót taflfélaga (Rodos).
19-28 oktober (Víkingaklúbburinn tekur thátt)
30. október Skákæfing. Víkin kl 20.00 13. nóvember. Vikingaskák. Víkin kl 20.00
27. nóvember Hraðskákmót Víkings. Víkin kl 20.00
11. desember. Víkingaskák. Víkin kl 20.00
25. desember. Jóladagur (frí)
29. desember (sunnudag). Jólamót Víkingaklúbbsins (skák&Víkingaskák) Skáksambandið kl 20.00

Sunday, September 8, 2013

Hjörvar Steinn Grétarsson gengur í Víkingaklúbbinn

Alþjóðlegi meistarinn Hjörvar Steinn Grétarsson (2505) einn stigahæsti og efnilegasti íslenski skákmaður landsins gekk í dag til liðs við Víkingaklúbbinn, en Hjörvar var áður félagi í Taflfélaginu Helli.  Hjörvar hefur verið að bæta sig mikið síðustu árin, er með tvö stórmeistaraáfanga af þrem og hefur þegar náð stigalágmarkinu fyrir stórmeistaratitilinn, 2500 elóstig.  Hjörvar á eftir að koma sterkur inn á Íslandsmót skákfélaga, en Víkingaklúbburinn stefnir á að verja Íslandsmeistaratitil sinn frá því í vor.

Goðinn-Mátar hraðskákmeistari taflfélaga

Það var gríðarlega spenna fyrir úrslitaviðureign Hraðskákkeppni taflfélaga sem fram fór í húsnæði Skákskóla Íslands í dag. Um var að ræða endurtekið efni en Goðinn-Mátar og Víkingaklúbburinn mættust í úrslitum rétt eins og fyrra. Þá þurfti að grípa til bráðabana eftir að sveitirnar urðu jafnar 36-36. Þá hafði Víkingaklúbburinn betur í bráðabana 3,5-2,5. 
Ljóst var fyrirfram að sveitirnar væru gríðarlega jafnar og flestir spáðu jafnri viðureign og jafnvel að aftur kæmi til bráðbana. Í sveit Víkingaklúbbsins vantaði Magnús Örn Úlfarsson en í sveit Goðans-Máta vantaði Hlíðar Þór Hreinsson. GoðMátar máttu hins vegar betur við forföllum enda með töluvert meiri breidd en Víkingarnir.
Í upphafi einvígisins var sunginn afmælissöngurinn til heiðurs Gunnar Frey Rúnarssyni liðsstjóra Víkingaklúbbsins sem á afmæli í dag.
Goðinn byrjaði með látum, vann fyrstu umferðina 5-1. Víkingar komu hins vegar sterkir til baka og með sigrum með annarri og þriðju umferð voru þeir skyndilega komnir yfir. Víkingar leiddu svo 19-17 í hálfleik.
GoðMátar byrjuðu svo seinni hlutann með látum þegar þeir unnu fyrstu viðureignina eftir hálfleik (7. umferð) 4,5-1,5 og höfðu þar með endurheimt forystuna. Þeir héldu forystunni fram til 10. umferðar þegar Víkingar jöfnuðu metin. Staðan orðin 30-30. Goð-Mátar unnu svo elleftu umferðina 4-2 og leiddu 34-32. Tekið var 5 mínútna hlé og GoðMátar byrjuðu lokaumferðina vel, voru komnir með aðra höndina á titilinn 36-33 en Víkingar unnu þrjár síðustu skákirnar og jöfnuðu metin 36-36!
Og þá var komið að bráðabana. Þetta var í þriðja skipti í sögu keppninnar sem það gerist. Það gerðist fyrst fyrsta keppnisár keppninnar1995 þegar Taflfélag Garðabæjar vann Skákfélag Hafnarfjarðar í átta liðum úrslitum eftir bráðabana. Næst gerðist það í fyrra hjá Víkingum og Goðum!
Spennan var nánast óbærileg fyrir bráðabanann. GoðMátar byrjuðu vel og í stöðunni 3-2 þráskákaði Þröstur Þórhallssyni á móti Stefáni Kristjánssyni og þar með ljóst að sigurinn væri Þingeyinga.
Þeir voru vel að þessu komnir. Fengu erfiða andstæðinga í öllu umferðum þ.e. TR, Helli og Bolvíkinga fram að úrslitunum. Jón Þorvaldsson, liðsstjóri þeirra er ákaflega klókur sem slíkur og er með öll sálfræðitrikkin á hreinu.
Skor GoðMáta var tiltölulega jafnt. Einar Hjalti Jensson hlaut 7,5 vinning, Ásgeir P. Ásbjörnsson, Þröstur Þórhallsson og Sigurður Daði Sigfússon fengu 7 vinninga. Daði reyndist ákaflega dýrmætur "varamaður" en hann kom inn í liðið í fjórðu umferð og var því með 70% skor.
Hannes Hlífar Stefánsson bar höfuð og herðar yfir félaga sína í Víkingaklúbbnum og hlaut 11 vinninga í 13 skákum. Ótrúlega gott skor í svo sterkri keppni. Davíð Kjartansson hlaut 8,5 vinning en Stefán Kristjánsson og Björn Þorfinnsson 8 vinninga. Það sem reyndist Víkingum í raun og veru að falli að enginn vinningur kom í hús á sjötta borði. Afmælisbarnið Gunnar Freyr, formaður og liðsstjóri Víkinga, gerði sér lítið fyrir og vann Helga Áss 2-0.
Einstaklingsskor má nálgast hér. Þar vantar reyndar úrslit bráðabanans en þar urðu úrslit sem hér segir:
  • Helgi Áss Grétarsson - Hannes Hlífar Stefánsson 0-1
  • Þröstur Þórhallsson - Stefán Kristjánsson 0,5-0,5
  • Ásgeir P. Ásbjörnsson - Björn Þorfinnsson 0-1
  • Einar Hjalti Jensson - Davíð Kjartansson 1-0
  • Sigurður Daði Sigfússon - Gunnar Freyr Rúnarsson 1-0
  • Kristján Eðvarðsson - Stefán Þór Sigurjónsson 1-0
Myndir frá keppninni væntanlegar. Fjöldi áhorfenda var viðstaddur keppnina og stemming á skákstað mjög mikil.

Það var Taflfélagið Hellir sem stóð fyrir keppninni sem nú fór fram í 19. sinn. Skákstjórar voru Rúnar Berg og Gunnar Björnsson.

Víkingaklúbburin mætir Goðanum í úrslitum hraðkeppninnar 2013

Annað árið í röð mætast Víkingar og Goðinn-Mátar (sem í fyrra hét Goðinn) í úrslitum hraðkeppninnar.  Bæði liðin eru feiknasterk, en að thessu sinni var leið Víkingaklúbbinn í úrslit frekar auðveld.  Við sátum yfir i 1. umf.  Í annari umferði (8 liða úrslitum) mætti Víkingaklúbburinn Skáfélagi Íslands og í undanúrslitum mætti Víkingaklúbburinn sterku liði Akureyringa að norðan.  Leið GM í úrslitin var mun erfiðari, en their mættu m.a TR, Helli og Bolungarvík.

Formaður Víkinga spáir GM sigri í dag.  Ekki thað að hann sé neitt smeikur við hina miklu keppni, heldur eru their sterkari á pappírunum.  Víkingar geta thví miður ekki stillt upp sínu sterkasta liði í dag.  Tveir af sterkustu mönnum okkar eru staddir í útlöndum.  GM haf lagt allt í sölurnar og taugaspennan mun ná hámarki á kl 14.00, 8 september á afmælisdegi Gunnars Fr.

MEGI BETRA LIÐIÐ SIGRA.  GÖNGUM SVO SÁTTIR FRÁ BORÐI.  GENS UNA SUMUS!

Hvað segja spekingarnir hér:
Hvernig verða liðin hér:
Hvað segja liðstjórarnir hér:
Úrslitin 2012 hér:

Nokkrar viðureignir hér:

Víkingar-SA hér:
Goðinn-Bolungarvík hér:
Víkingaklúbburinn-Skákfélag Íslands hér:
Bolungarvík-Vestmanneyjar hér:
GM-Hellir hér:
Hellir-Vin hér: 
Bridgefélagið-Reykjanesbær hér:
Bolungarvík-TG hér:
TV-SSON hér:
GM-TR hér:
SA-Fjölnir hér:
1. umf í hraðkeppninni hér:

Aðrir viðburðir:

Íslandsmót skákfélaga töfluröð hér:
Íslandsmót skákmann í golfi hér:




Víkingaklúbburinn lagði SA í 4-liða úrslitum

Fyrirfram var búst við öruggum sigri Víkingaklúbbsins á Skákfélagi Akureyrar. Víkingar eru ríkjandi meistarar og hafa nokkra titilhafa innan sinna raða. Akureyringar eru þó þekktir hraðskákmenn og komust einu sinni í úrslit keppninnar þar sem munaði ekki nema vinning á að þeir yrðu meistarar. Hvorugt lið mætti með alla sína sterkustu menn til leiks en heldur meir vantaði í Víkinga sem m.a. þurftu að gefa tvær skákir í fyrstu umferðunum sökum manneklu. Jafnræði var því með sveitunum í fyrstu umferðunum en þegar leið á fyrri umferðina þéttust raðir Víkinga sem náðu góðu forskoti eftir 6-0 sigur í sjöttu umferð. Var því einungis formsatriði fyrir Víkinga að klára viðureignina eftir hlé og liðsstjóri þeirra hinn herskái ljúflingur Gunnar Freyr Rúnarsson gat andað léttar.

Viðureignin endaði svo 48.5 - 23.5 fyrir Víkinga.

Bestum árangri SA-manna náðu:

Jón Garðar Viðarsson 6/12
Stefán Bergsson 5.5/12
Halldór Brynjar Halldórsson 5.5/12
Aðrir sem tefldu: Mikael Jóhann Karlsson, Loftur Baldvinsson, Gylfi Þórhallsson, Björn Finnbogason og Óskar Long Einarsson.

Árangur Víkinga:

Hannes Hlífar 11 af 11
Björn Þorfinnsson 8 af 9 
Davíð Kjartansson 10 af 12
Gunnar Freyr Rúnarsson 8 af 12
Lárus Knútsson 5 af 7 
Sigurður Ingason 1 af 7
Haraldur Baldursson 3 af 8
Jónas Jónasson 2 af 4 
(tvær skákir töpuðust, auð borð í fyrstu tveim umf)



Tuesday, September 3, 2013

Víkingaklúbburinn lagði Skákfélag Íslands í hraðkeppninni

Víkingaklúbburinn og Skákfélag Íslands mættust í 8-liða úrslitum Hraðskáksmóts taflfélaga thriðjudaginn 3. september í húsnæði Skáksambands Íslands. Viðureignin var heimaleikur Skákfélagsins.  Viðureignin endaði með nokkrum öruggum sigri Víkingaklúbbsins, en lokastaðan varð 52 vinningar gegn 22 vinningum Skákfélagsins.

Viðureignirnar fóru eftirfarandi: 0.5-5.5, 1-5, 1.5-4.5, 2-4, 2-4, 1.5-4.5, 2.5-3.5, 3-3, 1.5-4.5, 2-4, 1-5.

Besti árangur Víkingaklúbbsins:

Gunnar Fr. Rúnarsson 10.5. v af 12
Hannes H. Stefánsson 10. v. af 10
Magnús Örn Úlfarsson 9. v af 12
Stefán Sigurjónsson 8 v. af 12
Lárus Knútsson 7.5 v. af 11

Besti árangur Skákfélags-manna:

Rúnar Berg 5. v af 10
Örn Leó Jóhannsson 4.5 af 9