Úrslit á Jólamóti Víkingaklúbbsins

Jólamót Víkingaklúbbsins var haldið í húsnæði Skáksambands Íslands miðvikudaginn 30. desember. Teflt var bæði skák og Víkingaskák eins og á jólamótinu árið 2008. Fyrst var teflt 7. umferða skákmót með 5 mínútna umhugsunartíma, en eftir það var telfdar 2x7 umferðir í Víkingaskák með 5 mínútna umhugsunartíma. Þetta er í fyrsta skiptið sem tefld er Víkingaskák á móti með svo stuttum umhugsunartíma og líkaði mönnum það misvel. Úrslit skákmótsins urðu þau að Ólafur B. Þórsson sigraði með glæsibrag með fullt hús vinninga. Í Víkingaskákinni náði Gunnar Fr. loksins að vinna mót á árinu, en hann endaði með 11,5 vinninga af 14 mögulegum. Veitt voru sérstök aukaverðlaun, en Guðmundur Lee kom manna mest á óvart og fékk verðlaun sem besti nýliðinn í Víkingaskák, auk þess sem hann fékk sérstök unglingaverðlaun. Sigurður Ingason, Sverrir Sigurðsson, Jón Árni Halldórsson og Vigfús Vigfússon voru einnig að tefla á sínu fyrsta móti og stóðu þeir sig allir með ágætum.

Sjá nánar á: skak.is

Úrslit í hraðskákmóti:

• 1. Ólafur B. Þórsson 7 vinninga af 7
  
• 2-4. Tómas Björnsson 4,5
  
• 2-4. Stefán Sigurjónsson 4,5
  
• 2-4. Sigurður Ingason 4,5
  
• 5. Ingi Tandri Traustason 4
  
• 6. Jón Árni Haldórsson 4
  
• 7. Sverrir Sigurðsson 4
  
• 8. Vigfús Vigfússon 4
• 9. Gunnar Fr. Rúnarsson 3,5
• 10. Guðmundur Lee 3
• 11. Hörður Garðarsson/Birkir Karl 3
• 12. Halldór Ólafsson 3
• 13. Haukur Halldórsson 1
• 14. Arnar Valgeirsson 0
  

Úrslit í Víkingahraðskák:

• 1. Gunnar Fr. Rúnarsson 11,5 vinninga af 14
  
• 2. Sveinn Ingi Sveinsson 10,5
  
• 3. Tómas Björnsson 10
  
• 4. Ingi Tandri Traustason 9,5
• 5. Stefán Þór Sigurjónsson 8,5
  
• 6. Guðmundur Lee
  
• 7. Sigurður Ingason 7,5
• 8. Halldór Ólafsson 7
• 9. Arnar Valgeirsson 6,5
  
• 10. Ólafur B. Þórsson 6
  
• 11. Jón Árni Halldórsson 5,5
  
• 12. Sverrir Sigurðsson 5,5
• 13. Haukur Halldórsson 4,5
• 14. Ólafur Guðmundsson 4
• 15. Vigfús Ó. Vigfússon 3,5
• 16. Skotta 0.0
  

Jólamót Víkingaklúbbsins

Jólamót Víkingaklúbsins verður haldið miðvikudaginn 30. des og hefst það kl 19.00. Teflt verður bæði skák og Víkingaskák. Fyrst 7 umf skákmót með 5 mínútna umhugsunartíma, en eftir það verða 7 umferðir í Víkingaskák, þs 7 umferðir 2x5 mínútur. Mótið fer fram í húsnæði Skáksambands Íslands að Faxafeni. Vegleg verðlaun í boði og ókeypis veitingar.

Víkingar æfa sig

Nokkrir meðlima Víkingaklúbbsins hafa verið að tefla á fullu í vetur, m.a Jón Úlfljótsson, Stefán Þór Sigurjónsson, Sverrir Sigurðsson og Gunnar Ingibergsson. Þeir hafa m.a verið duglegir að mæta á skákæfingar m.a hjá Taflfélagi Reykjavíkur á fimmtudögum. Þar hafa þessir menn oftar en ekki raða sér í efstu sætin. Formaður Víkingaklúbssins hefur teflt örlítið og tók m.a þátt í jólamóti Vinjar ásamt Halldóri Ólafsyni súper-víking og náði formaðurinn óvænt að sigra það mót.
Úrslit hér:

Nokkri Víkingar tóku m.a þátt í Friðriksmótinu í skák, m.a Tómas Björnsson, Jón Úlfljótsson. Tómas fékk m.a verðlaun fyrir besta árangur 2200 stiga og lægri þótt það hafi ekki komið í ljós strax. Formaðurinn Gunnar gat ekki verið með vegna vinnu sinnar, en hann var efstur í sama móti í fyrra í flokki þeirra sem eru 2000 elostigum og lægri.
Úrslit mótsins 2009 má nálgast hér hér:

Nokkri Víkingar tóku m.a þátt í jólahraðskákmóti Taflfélags reykjavíkur, m.a þeir Gunnar Freyr, Gunnar Ingibergsson, Jón Úlfljótsson og Stefán Þór Sigurjónsson. Formaðurinn Gunnar Fr. náði óvænt í þriðja sætið, en mótið var mjög sterkt. Formaðurinn tapaði engri viðureign, gerði m.a 1-1 jafntefli við þá Björn Þorfinnsson og Sigurð Daða. Þess má til gaman geta að Gunnar formaður náði að vinna þetta mót í fyrra mjög óvænt. Úrslit á mótinu 2008 hér:
Úrslit á mótinu 2009 hér:

Tveir Víkingar tóku svo þátt í Íslandsmótinu í netskák sama dag og Jólamót Taflfélags Reykjavíkur var haldið. Gunnar Fr. og Stefán Sigurjónsson stóðu sig sæmilega, en Stefán endaði ofar með 5.5 vinninga af 9. mögulegum. Þeir félagar voru sammála um að þreyta frá fyrra mótinu hafi setið í þeim og því fór sem fór.
Úrlit hér:

Jólamót Vinjar og Víkingaklúbbsins

Mótið var vel heppnað. Að vísu vantaði tvö af sigurvegurum síðasta móts, en þeir munu mæta til leiks á seinna jólamótið fimmtudaginn 30 desember. Átta manns tóku þátt í jólamóti Víkingaklúbbsins og Skákfélags Vinjar í gærkvöldi. Töluvert af víkingaskákfólki hafði ráðstafað kvöldinu vegna jólaundirbúnings og einhverjir eru erlendis.

Teflt var í Vin, fimm umferðir með tólf mínútna umhugsunartíma. Ingi Tandri Traustason var einbeitnin uppmáluð og leyfði aðeins eitt jafntefli. Sigraði hann sannfærandi og annar var skákstjórinn og forseti Víkingaklúbbsins, Gunnar Freyr Rúnarson með 4,5.

Kaffi, nammi og fullur dallur af loftkökum hvarf ofaní þátttakendur sem allir voru góðir með sig í lokin.

Þess má geta að Pétur Atli Lárusson, sem aldrei hafði teflt víkingaskák, var í miklum theoríupælingum og í þrígang hafði hann drottningu af andstæðingum í upphafi. Hann notaði þó óhóflegan tíma við þetta og náði ekki að hala inn vinning, en er klárlega upprennandi meistari.

Glæný íslensk tónlist og eldri íslenskar bókmenntir í verðlaun, allir fengu vinning. Víkingaklúbburinn stendur fyrir jólamóti sínu milli jóla og nýárs og verður það auglýst síðar.

Úrslit:

• 1. Ingi Tandri Traustason 4,5
• 2. Gunnar Freyr Rúnarson 4
• 3. Rúnar Berg 3
• 4. Arnar Valgeirsson 2,5
• 5-7. Stefán Þór Sigurjónsson 2
• Halldór Ólafsson
• Haukur Halldórsson
• 8. Pétur Atli Lárusson

Einnig frétt á
skak.is

Góð umfjöllun á skak.is

Víkingaklúbburinn hefur fengið góða umfjöllun á skak.is, þar sem forseti Skáksambands Íslands sér um fréttir. Gunnar Björnsson hefur sýnt Víkingaskákinni mikinn áhuga m.a með því að birta fréttir og mæta svo sjálfur óundirbúinn á glæsilegt Íslandsmót 28. október síðasliðinn. Menn hafa held ég áttað sig á því að Víkingaskákin er ekki í neinni keppni við hina klassísku skák. Til þess erum við of fáir sem leika leikinn ennþá. Víkingakskákin er samt ágæt tilbreyting frá hinni hefðbundu skák og getur jafnvel í sumum tilfellum hjálpað til, m.a að upphugsa fórnir osf. Einnig er Víkingaskákin góð leið að sjá mikla hæfileika hjá efnilegum skákmönnum. Nú hefur myndast góð stemming í framhaldi af vel heppnuðu móti. Tafleild Hauka, Vinjar, Taflklúbbs heimspekinema og stúlknaklúbburinn stofna að líkindum litla víkingaskákdeild og í framhaldinu munum við koma á deildarkeppni, þar sem 3-4 manna lið munu keppa um Íslandsmeistaratitil Víkingaskákklúbba. Víkingaklúbburinn á alls ekki sigurinn vísan í þeirri keppni, enda eru t.d tveir Haukamenn strax orðnir mjög sterkir í Víkingaskák. Vonandi taka fleirri félög sig til og stofna litla klúbba til að keppa við þá bestu.

Það er ekki sjálfgefið að Víkingaskákin fái svona góða umfjöllun á skákfréttasíðu, enda telja margir að Víkingaskákin sé háflgerð helgispjöll við skákina. Svo eru aðrir sem sjá að víkingaskák er til tiltölulega hættulaust sport og séríslenskt, eins og skákir annara þjóða. Kínverjar eiga t.d sína skák, sem þeir kalla Xiangqui, Japanir eru m.a með Shogi, Thailendingar með thai-chess (makruk) auk þess sem ýmsar útgáfur eru til af hefbundinni skák, m.a þrívíddartafl. Víkingaskákin hefur það hins vegar fram yfir aðra skákleiki að teflt er á sextrendum reitum, sem gerir skákina enn flóknari!

Umfjöllun á Skak.is

Minningarmótið um Magnús Ólafsson hér:
Íslandsmótið í Víkingaskák hér:
Myndir af mótinu hér:

Thailendingar hafa m.a sitt afbigði af skák. Hún er að sjálfsögðu skyld klassísku skákinni eins og sjá má. Manngangurinn er aðeins öðru vísi, en er auðlærður. Reitirnir á borðinu eru 64 eins og í hinni hefbundnu skák, en í Víkingaskák eru reitirnir 85!

Íslandsmótið í Víkingaskák 2009

Stórglæsilegu Íslandsmóti í Víkingaskák lauk í kvöld í húnsæði Vinjar við Hverfisgötu. Tefldar voru 6. umferðir með 15. mínútna umhugsunartíma. 20 manns tóku þátt í mótinu, sem jafnframt var alþjóðlegt heimsmeistaramót í greininni. Tveir erlendir ríkisborgarar tóku þátt, þeir Róbert Lagerman USA og Spánverjinn Jose Fonsega. Þetta er fjölmennasta Víkingaskákmót sem haldið hefur verið og var það glæsilegt í alla staði, þótt margir keppendur hefðu eflaust viljað gera mun betur í víkingaskákinni sjálfri. Margir voru að tefla Víkingaskák í fyrsta sinn og sérstaklega ánægjulegt var að sjá að þrjár stúlkur skráðu sig til leiks og stóðu þær sig með miklum sóma. Efstir og jafnir á mótinu voru Tómas Björnsson og Sveinn Ingi Sveinsson og eru þeir því Íslandsmeistarar í Víkingaskák 2009. Ásrún Bjarnadóttir og Þorbjörg Sigfúsdóttir eru Íslandsmeistarar kvenna og Íslandsmeistari unglinga 15. ára og yngri er Birgir Karl Sigurðsson.

1-2 Sveinn Ingi Sveinsson 5 16.0 23.0 18.0
Tómas Björnsson 5 14.0 21.0 17.5
3 Jorge Fonseca 4.5 14.5 19.5 15.0
4-6 Ingi Tandri Traustason 4 14.0 21.0 17.0
Kristian Guttesen 4 13.5 18.5 12.0
Róbert Lagerman 4 12.5 19.5 13.0
7-8 Halldór Ólafsson 3.5 15.0 22.5 14.5
Gunnar Freyr Rúnarsson 3.5 14.5 20.5 16.0
9-13 Siguringi Sigurjónsson 3 13.0 19.0 13.0
Helgi Ragnarsson 3 13.0 19.0 10.0
Ásrún Bjarnadóttir 3 11.5 15.5 8.0
Haukur Halldórson 3 10.5 17.0 9.0
Þorbjörg Sigfússdóttir 3 8.0 12.0 8.0
14 Arnar Valgeirsson 2.5 12.5 17.5 10.0
15-18 Jón Birgir Einarsson 2 12.5 18.5 7.0
Saga Kjartansdóttir 2 12.0 19.0 9.0
Ólafur Guðmundsson 2 10.5 15.5 7.0
Ólafur B. Þórsson 2 8.0 11.0 4.0
19 Gunnar Björnsson 1 9.5 13.0 2.0
20 Birgir Karl Sigurðsson 0 12.0 17.5 0.0

Cross TableNo Name Feder Rtg 1 2 3 4 5 6
1 Sveinsson, Sveinn Ingi 5:W 3:W 8:D 16:W 2:D 4:W
2 Björnsson, Tómas 10:W 7:D 15:W 4:W 1:D 8:W
3 Fonseca, Jorge 20:W 1:L 12:W 5:W 6:D 7:W
4 Traustason, Ingi Tandri 16:W 14:W 9:W 2:L 8:W 1:L
5 Guttesen, Kristian 1:L 20:W 10:W 3:L 13:W 9:W
6 Lagerman, Róbert 14:D 11:W 7:L 9:W 3:D 10:W
7 Ólafsson, Halldór 11:W 2:D 6:W 8:L 14:W 3:L
8 Rúnarsson, Gunnar Freyr 19:W 15:W 1:D 7:W 4:L 2:L
9 Sigurjónsson, Siguringi 17:W 12:W 4:L 6:L 16:W 5:L
10 Ragnarsson, Helgi 2:L 19:W 5:L 15:W 11:W 6:L
11 Bjarnadóttir, Ásrún 7:L 6:L 20:W 12:W 10:L 17:W
12 Halldórson, Haukur 18:W 9:L 3:L 11:L 15:W 14:W
13 Sigfússdóttir, Þorbjörg 15:L 17:L 18:W 20:W 5:L 16:W
14 Valgeirsson, Arnar 6:D 4:L 19:W 17:W 7:L 12:L
15 Einarsson, Jón Birgir 13:W 8:L 2:L 10:L 12:L 19:W
16 Kjartansdóttir, Saga 4:L 18:W 17:W 1:L 9:L 13:L
17 Guðmundsson, Ólafur 9:L 13:W 16:L 14:L 18:W 11:L
18 Þórsson, Ólafur B. 12:L 16:L 13:L 19:W 17:L 20:W
19 Björnsson, Gunnar 8:L 10:L 14:L 18:L 20:W 15:L
20 Sigurðsson, Birgir Karl 3:L 5:L 11:L 13:L 19:L 18:L

Víkingaskák

MARGIR HAFA VERIÐ AÐ SPYRJA UM KENNSLU Í VÍKINGASKÁK. VIÐ MUNUM Á HEIMASÍÐUNNI BIRTA KENNSLUHEFTI SEM GEFIÐ VAR ÚT Á SÍNUM TÍMA AF MAGNÚSI ÓLAFSSYNI. M.A GAF FRIÐRIK ÓLAFSSON STÓRMERKILEGA UMSÖGN UM LEIKINN. VIÐ BIRTUM HÉR MEÐ 1. KAFLA Í KENNSLUHEFTINU.


Víkingaskák er ný skák eða nýtt manntafl, sem fundið var upp á Íslandi af Magnúsi Ólafsyni. taflborð vikingaskákarinnar samanstendur af 85 sextrendingum, sem skipa 9 raðir og eru í þrem litum.

Hvort lið samanstendur af 9 mönnum og 9 peðum. Hvort lið hefur sinn lit. Nöfn taflmanna eru hin sömu og í hinni klassísku skák og níundi maðurinn hietir Víkingur.

Manngangurinn er mjög líkur manngangi hinnar klassísku skákar og er auðlærður. Aðeins manngangur víkingsins er nýr.

Klassísk skák skiptist í þrjá hluta: Byrjun, miðtafl og endartafl, en í víkingaskák í fjóra hluta: Liðskipun, byrjun, miðtafl og endatafl.

Í hinni klassísku skák eru tvær stefnur, en í víkingaskák eru stefnurnar þrjár.

Friðrik Ólafsson stórmeistari herfur kynnt sér víkingaskák og gefið eftirfarandi umsögn:

"Það er greinilegt, að þetta er miklu flóknara tafl en venjulegt tafl, vegna þess að það eru þrjár stefnur í borðinu í staðinn fyrir tvær. Svo eru fleirri menn og fleirri reitir.

Í venjulegri skák leikur hvítur fyrsta leiknum og byggir strax upp hótun, sem er svarað með vörn eða gagnhótun, en´i víkingaskák komast liðin ekki í snertingu hvort við annað fyrr en eftir eina tíu leiki. Það tekur t.d. 4 leiki að hóta með biskupi í byrjuninni í víkingaskák. þar þarf að leika fyrst tveim peðum fram og síðan biskupnum tvo leiki. Manngangur víkingaskákarinnar er auðlærður, en það tekur svolítinn tíma að átta sig á stefnum í borðinu.

ég býst við að það verði að byggja upp skákfræðin fyrir víkingaskákina frá grunni. Þó eru ýmsar meginreglur sem halda sér eins og t.d. að hafa sterkt miðborð, að koma mönnunum fljótt (út) og veikja ekki kóngstöðuna, en aðferðin til að gera þetta verður allt öðruvísi í víkingaskák.

Um gang mannanna er það að segja, að hrókurinn kemst ekki nema á helming reitanna og er því veikari, en biskupinn kemst aftur á móti á alla reiti á borðinu og er því mun sdterkari en í venjulegri skák. Mislitir biskupar verður þar með óþekkt hugtak í víkingakákinni. aftur á móti verður ekki um að ræða þar mislita hróka, því að allir hrókarnir ganga á sömu reitunum.

Víkingaskákir verða lengri bæði varðandi leikjafjölda og leiktíma. Þar er um fleirri möguleika að ræða og tilflutningur liðsins er hægari.

Þrátt fyrir göfgi hinmnar klassísku skákar hafa alltaf öðru hverju verið gerðar tilraunir til að breyta henni með því að fækka eða fjölgamönnum og reitum. Ein tilraunin fól í sér 8 taflborð hvert yfir öðru. Allar hafa þessar tilraunir misheppnast. Ástæðan er að líkindum sú, að hin klassíska skák er í grundvallaratriðum á ferhyrndum reitum. Það grundvallaratriði breytist ekki, þótt reitum sé fækkað eða fjölgað.

Með víkingaskákinni er fundinn nýr grundvöllur: Sexstrendir reitir á rétthyrndu borði.

Þessi nýja skák, víkingaskákin, hefur verið reynd af skákmönnum á öllum stigum, og menn hafa talið sig hafa fundið þarna skák, sem í grundvallaratriðum er ólík hinni klassísku skák, skák á hinum sexstrenda reit.

Víkingaskákin hefur reynst mjög þroskandi fyrir hinn klassíska ska´kmann. hann áttar sig auðveldar á tveim stefnum hins klássíska taflborðs, eftir að hafa glímt við þrjár stefnur á borði víkingaskákarinnar. Þetta ættu skákmenn að hagnýta sér. Þannig má gera ráð fyrir, að bæði góðir og l´legir skákmenn leiki víkingaskák jafnhliða hinni klassísku skák.

Nýr grundvöllur skákar hefur vissulega kosti umfram hinn eldri til að bera saman skáksnilli leikmanna, þar sem hin fræðilega þekking hefur ekki áhrif á hina reunverulegu eiginhæfni leikmanns til að stjórna mönnunum. Þannig standa vonir til að víkingask´kin reynist NÝTT TÆKI TIL SAMANBURÐAR Á SKÁKSNILLI-NÝTT TAKI TIL SKÁKLEIKS.