MP banki

Gjaldkerinn Ólafur Guðmundsson og formaðurinn Gunnar Fr. fóru í MP banka til að stofna reikning fyrir Víkingaklúbbinn. Nauðsynlegt er að stofna reikning til að félagsmenn geti greitt félagsgjöld. VIð tjáðum þjónustufulltúanum að við værum að stofna reikning fyrir Víkingaskákina. Hún var ánægð með það og benti okkur á að við værum á réttum stað, því Margeirs Pétursson banki myndi þjóna skákmönnum vel. Við höfðum af þessu gaman og skýrðum út fyrir þjónustfulltrúanum muninn á skák og Víkingaskák. Félagsgjöld fyrir félagsmenn eru 1000 kr. Hvet félagsmenn endregið til að ganga frá félagsgjöldum sem fyrst. Næg verkefni eru framundan og m.a munum við halda vormótið fljótlega. Aðalfundur Skáksambands Íslands verður haldin nú um helgina og fulltrúar klúbbsins verða þeir Haraldur Baldursson og Gunnar Fr. Rúnarsson. Reiknisnúmer félagsins í MP banka er:

0701-15-200288 kt: 100876-4699

Þessi mynd er tekin í einu af fyrstu Víkingaskákmótunum heima hjá Sveini Inga Sveinssyni í Vesturberginu, sennilega árið 2003. Talið frá vinstri: Sigurður Narfi Rúnarsson, Sveinn Ingi Sveinsson, Gunnar Fr. Rúnarsson, Hörður Garðarsson & Halldór Ólafsson

Heimsmeistari

Formaður Víkingaklúbbsins hefur teflt bréfskák í 19. ár og náð sæmilegur árangri. Besti árangur hans á Íslandsmóti er 3. sæti. Nú um daginn vann hann heimsþemamót í Slejpner byrjun, en hann hafði áður komist upp úr undariðli í sömu byrjun. Gunnar hafði einu sinni náð 2. sæti í heimþemamóti í Kobec-byrjun. Formaðurinn tefldi við bestu þemaskákmenn heimsins og hafði sigur og er Formaðurinn þriðju Íslendingurinn sem vinnur heimsþemamót.

Úslitin má nálgast hér:

Heimsmeistarar hér: (þrír Íslendingar)

Sleipnir var eins og menn vita hestur Óðins.

Víkingur sigrar

Sverrir Sigurðsson er að æfa sig, en hann tefldi á 4. borði í fyrri hlutanum á Íslandsmóti skákfélaga. Hann sigraði á fimmtudagsmóti TR um daginn og segist ætla að koma sér í form næsta Íslandsmót.

Lokastaðan:
1 Sverrir Sigurðsson, 8.5
2 Kristján Örn Elíasson, 8
3 Jon Olav Fivelstad, 6.5
4 Þórir Benediktsson, 6
5 Jón Gunnar Jónsson, 5.5
6-7 Hjálmar Sigurvaldason, 3
Finnur Kr. Finnsson, 3
8 Ari Húnbogason, 2
9 Björgvin Kristbergsson, 1.5
10 Pétur Jóhannesson, 1

Úrslit hér:

3. sæti

Víkingaklúbburinn náði 3. sæti í 4. deildarkeppninni sem lauk á Akureyri fyrir nokkru. Því miður vantaði aðeins hálfan vinning að ná upp um deild. Vonandi gengur bara betur næst.

Staða efstu liða í 4. deild:

1. Mátar 32,5 v.
2. Bolungarvík-c 28 v.
3. Víkingaklúbburinn 27,8 v.
4. SA-c 26,5 v.
5. TV-b 25,5
6. KR-c 24,5
7. KR-b 24 v,
8. Bolungarvík-d 24 v.
9. Goðinn 23 v.
10. SA-e 22,5 v

Nánari úrlit hér:

Reykjavíkurmóti frestað

Reykjavíkurmóti verður frestað um einhverjar vikur. Mótaáætlun raskast eitthvað vegna þessa. Ekki hefur enn verið hægt að fá fleirri víkingatöfl fyrir stórmót. Reiknað er með að Íslands & Reykjvarvíkurmótið verði haldið eftir að klúbbfélagar hafi lokið prófum í vor.

Aðalfundur Víkingaklúbbsins

Reykjavik 1.2. 2009, Álftamýri 56.

Aðalfundur Víkingaklúbbsins. Mættir eru:

Gunnar Fr. Rúnarsson
Ólafur Guðmundsson
Sveinni Ingi Sveinsson
Þorgeir Einarsson
Jónas Jónasson
Gunnar Ingibergsson
Haraldur Baldursson
Sigurður Ingason

Fundurinn ákvað að skipa þá Ólaf Guðmundsson og Gunnar Rúnarsson í þriggja manna stjórn Víkingakistunnar. Guðmundur Ólafsson faðir Ólafs Guðmundssonar sagði sig úr stjórn.

Stjórn Víkingakistunnar skipa því:

Benjamín Axel Árnason
Ólafur Guðmundsson
Gunnar Fr. Rúnarsson

Fundurinn skipaði svo nýja stjórn fyrir Víkingaklúbbinn:

Formaður: Gunnar Fr. Rúnarsson
Gjaldkeri: Ólafur Guðmundsson
Meðstjórnandi: Tómas Björnsson

Mótaáætlun var samþykkt með fyrirvara um breytingar:

föstudaginn 27. feb. Reykjavíkurmótið í Víkingaskák.
föstudaginn 6. mars, skákmót, upphitun fyrir Akureyri.
föstudaginn 29. maí, Íslandsmótið í Víkingaskák & minngarmót um Magnús Ólafsson.
föstudaginn 4. september, haustmót.
þriðjudaginn 29. desember, jólamót Víkingaklúbbsins.

Stofnfundur Víkingaklúbbsins

Stofnfundur Víkingaklúbbsins var haldin, sunnudaginn 11. janúar kl. 17.00. Ákveðið var að stofna Víkingaskákklúbb formlega, en klúbburinn hefur verið starfræktur frá árinu 2001, með núverandi mannskap. Haustið 2006 stofnaði hluti af hópnum lið, sem þeir sendu á Íslandsmót skákfélaga í hefbundinni skák. En nú var ákveðið að kjósa bráðabyrgðarstjón. Formaður var kosinn, Gunnar Fr. Rúnarsson, en meðstjórnendur voru kosnir, Ólafur Guðmundsson og Tómas Björnsson. Sveinn Ingi Sveinsson núverandi meistari var líka á svæðinu, en Halldór Ólafsson boðaði forföll. Stefnt er að fyrsta aðalfundi félagsins, sunnudaginn 1. febrúar, en þá verður starfseminn skipulögð til framtíðar.

Formaður á fjölda mynda frá fyrri mótum og munu þær koma á netið fljótlega, en þær eru samt nokkrar sem ég hef hent inn í gegnum árin.