Meistaramót Víkingaklúbbsins í golfi 2014

Meistaramót Víkingaklúbbsins í golfi 2014 verður haldið á Hlíðarvelli laugardaginn 20. september (með fyrirvara um breytingar) og hefst mótið kl:13.30.  Spilaðar verða 18. holur og keppt verður bæði í höggleik án forgjafar og punktakeppni með fullri forgjöf. Sigurvegarinn í höggleik hlýtur sæmdarheitið:  Golfmeistari Víkingaklúbbsins 2014. 

Einnig verður á sama móti haldið liðakeppni milli skákfélaga, en veitt verða verðlaun fyrir besta samanlagða árangur liða, en tveir keppendur eru í hvoru liði.  Liðið sem sigrar á fæstum samanlögðum höggum fær titilinn Íslandsmeistari Víkingaskákfélaga í golfi 2014. Þau lið sem reiknað er með að mæti til leiks, eru m.a:

Víkingaklúbburinn (liðstjóri, Gunnar Fr. Rúnarsson), Skákfélag Vinjar (Ingi Tandi Traustason), Breiðablik (Halldór Grétar Einarsson), Huginn (Jón Þorvaldsson) og TR (Þorvarður Fannar Òlafsson).  Mótið er opið öllum golfskákmönnum.  Reiknað er með að keppendur verði á bilinu 8 -12 (2-3 holl).

Mótsgjald er 1500 kr og skráning fer fram á netfangið gunnarrunarsson(hjá)gmail.com.

Eftir mótið verða léttar veitingar í golfskála og 5. mínútna hraðskákmót (allir við alla), thar sem keppt verður í samanlögðum árangri í skák, með og án forgjafar.  Vonast er til að Halldór Grétar Einarsson mæti með formúlurnar sínar meðferðis.