Bárður Örn Birkisson og Guðmundr Peng Sveinsson skákmenn ársins hjá Víkingaklúbbnum 2016.

Ritstjóri valdi í janúar skákmenn ársins hjá Víkingaklúbbnum.  Í Víkingaskákinni varð valið auðvelt.  Bárður Örn Birkisson Taflfélagi Reykjavíkur er Víkingaskákmaður ársins 2016.  Bárður vann óvænt Heimsmeistaramótið í Víkingskák 2016 sem haldið var seint á síðasta ári og náði m.a að vinna gamla meistara.  Á jólamóti Víkingaklúbbsins lét Bárður ekki staðar numið, en hann sigraði Víkingaskákina og tvískákina, þar  sem samanlagður árangur í skák og Víkingaskák var lagður saman.  Valið á Víkingaskákmanni ársins er ekki bundið því að vera félagi í Víkingaklúbbnum.  Valið á skákmanni ársins hjá Víkingaklúbbnum var hins vegar aðeins erfiðara.  Til greina komu þrír bráðefnilegir skákmenn félagsins.  Einar Dagur Brynjarsson fæddur 2009 náði þriðja sæti á Íslandsmót drengja 8. ára og yngri, en Einar er á yngra ári í flokknum.  Einar telfdi mikið á árinu þrátt fyrir ungan aldur og er einn efnilegast skákmaður landsins í sínum aldursflokki.  Jökull Ómarsson nemandi í Ingunnarskóla fæddur 2008 stóð sig frábærlega á sama móti og varð óvænt Íslandsmeistari.  Frábær árangur, en hann mætti tefla meira.  Guðmundur Peng Sveinsson fæddur 2005 stóð sig vel á síðasta ári í þeim mótum sem hann tók þátt í, m.a í Bikarsyrpum TR.  Hann kom sterkur til leiks á stigalista Fide og sigraði svo á Jólamóti Víkingaklúbbsins í desember.  Ritsjóri valda því Guðmund Peng Sveinsson skákmann Víkingaklúbbsins 2016.  Á nýja árinu hefur svo Guðmundur farið með himinskautum.  Hann fékk sérstök aukaverðlaun á Skákþingi Reykjavíkur fyrir besta árangur miðað við stig og á Bikarsyrpu TR síðustu helgi, sigraði hann mótið með 6. vinningum af 7 mögulegum.  Það er því ljóst að Víkingur á nokkra efnilega skákmenn í sínum röðum.

Frétt um Guðmund Peng hér:
Bikarsyrpa TR, frétt hér: