Víkingaklúbburinn á facebook

 Við erum að mestu komin á facebook með fréttir af skákstarfi okkar.  Þangað til annað kemur í ljós.  Þið finnið grúbbuna undir Víkingaklúbburinn.

Golfmót Víkingaklúbbsins 2020

Meistaramót Víkingaklúbbsins í golfi 2020 verður haldið á Gufudalsvelli Hveragerði (Mýrinni Garðabæ til vara), sunnudaginn 4. október og hefst mótið kl:12.30.  Mæting kl. 12.00.  Spilaðar verða 18 holur og keppt verður bæði í höggleik án forgjafar og punktakeppni með fullri forgjöf. Sigurvegarinn í höggleik hlýtur sæmdarheitið: Golfmeistari Víkingaklúbbsins 2020. 

Um kl. 16.00 verður skákmót í golfskála, þar sem fer fram 5. mínútna hraðskákmót (9. umferðir), þar sem keppt verður í samanlögðum árangri í golfskák, með og án forgjafar.  Nánari upplýsingar um mótið gefur Gunnar Fr. Rúnarsson (gsm:  8629744).

Stjórn Víkingaklúbbsins

Breytingar í stjórn. Á fundi Víkingaklúbbsins í febrúarmánuði var Stefán Bjarnason tekin í sjórn Víkingaklúbbsins. Ólaur Guðmundsson gengur úr stjórn. Stjórn Víkingaklúbbsins skipa nú:

Gunnar Fr Rúnarsson formaður

Haraldur Baldursson meðstjórnandi

Stefán Bjarnarson meðstjórnandi.

Að gefnu tilefni vil stjórnin árétta, að engin fjáröflun er í gangi á vegum klúbbsins, sb sala á harðfiski eða öðrum varningi. Allir styrkir fara í gegnum reikning Víkingaklúbbsins í Landsbankanum og Markaðsmenn ehf hafa séð um fjáröflun fyrir félagið fyrir hið árlega Kringlumót og aðra viðburði. Annað fyrirtæki eða einstaklingar eru ekki í fjáröflun fyrir félagið.

Skákmenn ársins 2019 hjá Víkingaklúbbnum.

Ritstjóri hefur valið skákmenn ársins hjá Víkingaklúbbnum fyrir árið 2019.  Í Víkingaskákinni varð snúið, því ritsjórinn velur sjálfan sig.  Tvö Víkingaskákmót voru haldin á árinu og vann undirrtaður þau bæði.  Skákmaður ársins hjá Víkingaklúbbnum er hinn efnilegi Einar Dagur Brynjarsson.  Einar sem fæddur er árið 2009, hefur verið mjög duglegur að mæta á æfingar í vetur, ekki bara í Víkinni, heldur einnig hjá Breiðablik og TR.  Eijnar kórónaði árangur sinn á árinu með því að verða Íslandsmeistari barna 10. ára og yngri.  Jón Viktor Gunnarsson var einnig fyrir valinu, þar sem hann vann nokkratitla, m.a Íslandsmeistari í hraðskák og Íslandsmeistari í Fischer Random. 

Ritstjórinn og formaðurinn óskar öllum Víkingaskákmönnum gleðilegs árs og friðar og von um farsæld og gott gengi í leik og starfi.

Ritað 3. febrúar 2020 á Hringbraut

Gunnar Fr Rúnarsson
formaður