Íslandsmót Víkingaskákfélaga

Þriðja Íslandsmót Víkingaskákfélaga verður haldið í húsnæði Vinjar við Hverfisgötu þriðjudaginn 15. mai og hefst taflmennska kl. 19.00.  Þegar hafa nokkur lið skráð sig til leiks.  Liðin verða skipuð þriggja manna sveitum auk varamanna og eru tímamörk 15. mínútur á skákina. Reiknað er með 8-9 lið verði með.  Búist er við hörku barátu jafnra liða um sjálfan Íslandsmeistaratitilinn í Víkingaskák, en teflt verður um stóran farandbikar og eignarbikar.  Einnig er sérstök verðlaun fyrir besta skólaliðið, en Rimaskóli og Laugarlækjaskóli ætla að senda lið á mótið auk þess sem veitt verða sérstök verðlaun fyrir árangur á hverju borði. Þeir sem ekki eru skráðir í lið geta komið og fengið að tefla með þeim liðum sem skráð eru til leiks.  Boðið er upp á veitingar á staðnum.

 Þau lið sem hafa skráð sig til leiks eru:

1. Víkingaklúbburinn (liðstjóri: Sigurður Ingason)
2. Forgjafarklúbburinn (liðstjóri: Halldór Ólafsson)
3. Haukar (liðstjóri: Ingi Tandri Traustason)
5. Skákfélag Vinjar (liðstjóri: Arnar Valgeirsson)
6. Guttormur Tutti (liðstjóri: Þorgeir Einarsson)
7. Skákfélag Íslands
8. Fjölnir/Rimaskóli
9. Þróttur/Laugarlækjaskóli

Skákstjóri verður Haraldur Baldursson.