Skákdeild Breiðabliks vann sinn fyrsta Íslandsmeistaratitil, þegar þeir sigruðu í fyrstu liðakeppni í skákgolfi á Golfskákmóti Víkingaklúbbsins sem lauk á Hliðarvelli í Mosfellsbæ á laugardaginn. Halldór Grétar Einarsson og Pálmi Pétursson (Breiðablik) söfnuðu fæstum höggum í golfinu og flestum vinningum í í skákinni í hús, en þetta er í fyrsta skipti sem keppt er í liðakeppni taflfélaga í golfi og skákgolfi. Víkingaklúbburinn, Stefán Bjarnason og Gunnar Fr. sigruðu í liðakeppni í golfinu (frekar óvænt). Pálmi Ragnar Pétursson sigraði skákgolfið eftir harða keppni við félaga sinn Halldór Grétar, en Gunnar Fr. Rúnarsson vann punktakeppnina. eftir 18. holu golfhring, var haldið hraðskákmót í hinum vinalega golfskála Mosfellinga. Keppendur í skákmótinu voru sex og telfdar voru 5. umferðir allir við alla. Halldór Einarsson sigraði í skákmótinu, með 4.5 vinninga, en Pálmi kom næstur með 4. vinninga og Gunnar Fr. varð þriðji með 3. vinninga. Eftir mótið varð ljóst að Pálmi Pétursson hafði sigraði í fyrsta Meistaramóti Víkingakúbbsins i skákgolfi.
Eins og sjá má voru margir sigurvegarar á golf-skákmótinu, en í liðakeppninni var keppt í tveggja manna liðum, þs. tvö bestu skorkort hvers liðs voru lögð saman í höggleik og punktakeppni.
Golfmeistari Víkingaklúbbsins 2014: Stefán Bjarnason
Punktameistari Víkingaklúbbsins: Guðlaug Ágústa (35 punktar)
Meistari Víkingaklúbbsins með forgjöf: Gunnar Fr. Rúnarsson (30 punktar)
Púttmeistari Víkingaklúbbsins: Halldór Grétar Einarsson (34 pútt)
Unglingameistari Víkingaklúbbsins í golfi: Benjamín Jóhann Johnsen
Kvennameistari Víkinaklúbbsins í golfi: Guðlaug Ágústa
Skákgolfmeistari: Pálmi Pétursson
Skákgolfmeistari (punktar): Gunnar Fr. Rúnarsson
Skákmót: Halldór Grétar Einarsson
Íslandsmeistari skákfélaga í golfi: Víkingaklúbburinn
Íslandsmeistari skákfélaga í skákgolfi: Skákdeild Breiðabliks
Íslandsmeistari skákfélaga í golfi (punktar): TR
Íslandsmeistari skákfélaga í skákgolfi (punktar): Víkingaklúbburinn
Nánari úrslit má nálgast hér: http://chess.is/golf/vikingagolf2014.htm
No comments:
Post a Comment