Ingi Tandri sigrar á Víkingaskákæfingu

Víkingaskákæfingin 23. april á Ölstöfunni varð mjög fjörug.  Mættir voru helstu stjörnur reitana 85.  Bestu Víkingaskákmenn heims í happy-hour stuði.  Ingi Tandri Traustason var nýkominn úr frægðaför frá Danaríki, þar sem íslenska landsliðið í Kotru gerði frábæra hluti á Evrópumeistaramótinu.  Ingi Tandri var í miklu stuði á æfingunni og vann allar fimm skákir sínar.  Ingi náði því að vinna aðra Víkingaskákæfingu sína í röð sem telst vera vera mikið afrek.  Ólafur B. Þórsson og Sigurður Ingason deildu 2-3 sætinu. Þröstur Þórsson kom næstur með 2.5 vinninga.  Neðstir á mótinu urðu samt aldursforsetarnir og fyrrum Íslandsmeistar Gunnar Fr og Halldór Ólafsson.  Gunnar gerði tvö jafntefli, en Halldór náði einu jafntefli. Aðrir þátttakendur á æfingunni voru m.a Páll Agnar Þórarinsson, Jorge Fonseca og Stefán Þór Sigurjónsson, sem tefldu allir í B-flokkinum, því þeir mættu of seint til leiks, en þeir æfðu nokkrar léttar skákir og voru í góðum gír.  Margir áhorfendur voru staddir á Ölstofunni, enda frídagur hjá mörgum á sumardaginn fyrsta.  Mjög skemmtileg stemming myndaðist á mótsstað og menn almennt sáttir við keppnistaðinn, en næsta mót (Meistaramót Víkingaklúbbsins) verður einmitt haldið á Ölstofunni miðvikudaginn 30. april og þá má búast við mikilli stemmingu á skákstað.  Á æfingunni voru tefldar 5. umferðir með 10. mínútna umhugsunartíma. 

Úrslit:

* 1 Ingi Tandri Traustason 5 vinninga af 5.
* 2 Sigurður Ingason 3.0 v.
* 3 Ólafur B. Þórsson 3.0 v.
* 4 Þröstur Þórsson 2.5 v
* 5 Gunnar Fr. Rúnarsson 1.0 v.
* 6 Haldór Ólafsson 0.0 v.