Barna Blitz og næstu æfingar

Barna æfingar verða með hefbundnu sniði næstu miðvikudaga og næst á dagskrá verður hin árlega undakeppni fyrir Reykjavík barnablitz í Víkinni.  Frí vegna páskaviku verður svo 17. april og einnig fellur niður æfing 1. mai.  Það stóð til að hafa barnablitz á þriðjudegi, en frá því hefur verið horfið.

Undankeppni fyrir Reykjavík Barna Blitz verður miðvikudaginn 3. april kl. 17.15 í Víkingsheimilinu. 

Tefldar verða sex umferðir með sjö mínútna umhugsunartíma. þrír efstu komast í úrslitin sem verða tefld verða samhliða Reykjarvíkurskákmótinu í Hörpu, sem fram fer 8-16 april.  Úrslitin fara fram í Hörpu laugardaginn 13. april.  Til mikils er að vinna því einungis sextán keppendur fá þátttökurétt á sjáfri úrslitakeppninni, þar af eru þrír frá móti Víkingaklúbbsins.  Hin félögin í Reykjavík (og nágrennis) sem halda undanrásir eru "væntanlega" Skákdeild Fjölnis, Taflfélagið Huginn, Taflfélag Reykjavíkur og jafnvel fleirri félög utan Reykjavíkur.

Nánari upplýsingar um keppnina hér:
Úrslit á barnablitz 2018 í Víkingsheimilinu hér:

Næstu miðvikudagsæfingar:

3. april:  Barnablitz
10. april:  æfing
17. april:  pásksafrí
24. april:  æfing
1. mai:  frí
8. mai:  æfing
15, mai: æfing
22. mai: æfing
29. mai:  Vormót Víkingaklúbbsins

Páskaæfing Víkingaklúbbsins 2019

Páskamótið sem breyttist í Páksaæfingu.

Mótið sem haldið var hin síðari ár breyttist, þar sem enginn var styrktaraðilinn fyrir páskaegg, þá var æfingin ekki auglýst sérstaklega. Samt mættu óvænt 29 krakkar. Telfdar voru 6. umferðir með 7. mínútna umhugsunartíma. Batel Gordon varð efst ásamt Óttari, en Batel varð örlítið hærri á stigum. Þriðji varð svo Einar Dagur Brynjarsson.

 Úrslit hér:

Páskamótið í Ingunnarskóla

Litla Páskamótiið í Víkinni

Íslandsmót barnaskólasveita 4-7 bekkur

Íslandsmót barnaskólasveita 4-7 bekk fór fram síðasta mánuði í Rimaskóla. Krakkar úr Víking telfdu með nokkrum sveitum, m.a Breiðagerðisskóla, Fossvogsskóla og Ingunnarskóla. Breiðagerðisskóla stóð sig frábærlega og náði 5. sætinu með kornungt lið. Einar Dag (2009) á fyrsta borði og Gunnar Jóhannsson (2010) á þriðja borði. Af öðrum athyglisverðum árangri má benda á að Andri (2007) úr Fossvogsskóla náði 6 vinningum af sjö á 1. borði, sem og Hersir Haraldsson (2009) úr Ingunnarskóla sem náði sama vinningshlutfalli á fyrsta borði. Þessir fjórir skákmenn hafa tekið stórstigum framförum á síðasta ári.

Páskamót Víkingaklúbbsins 2019

Páskaeggjamót Víkingaklúbbsins fyrir börn og unglinga verður haldið í Víkinni Víkingsheimilinu miðvikduaginn 27. mars.        Tefldar verða 6. umferðir með 7 mínútna umhugsunartíma á mann og hefst mótið kl. 17.15. Allir krakkar eru velkomnir og þátttaka er ókeypis.  Veitt verða verðlaun fyrir þrjú efstu sætin, auk þess sem þrjár efstu stúlkur og þrír efstu Víkingar fá verðlaunapening.  Allir keppendur fá páskaegg, en hámarksfjöldi þátttakenda er 40.

Barna og unglingaæfingar Víkingaklúbbsins verða vikulega á miðvikudögum fram á sumar.

Heimilisfang hér:

Knattspyrnufélagið Víkingur
Traðarlandi 1, 108 Reykjavík

Íslandsmót skákfélaga 2018-19. Pistill liðstjóra

Deildarkeppnin í ár var sú tólfta sem Víkingaklúbburinn tók þátt í, en það var 12. október 2007 sem klúbburinn hóf þáttöku í 4. deild í fyrsta skipti.   Í fyrra var uppskera félagsins í deildarkeppni góð, en a-liðið sigraði í efstu deild og b-liðið sigraði í þriðju deild.  Einnig náði c-liðð öðru sæti í fjörðu deild.  Í ár varð árangurinn líka framar vonum, en við náðum að verja titilinn i efstu deild og b-liðið náði óvænt öðru sæti í annari deild.

1. deild.

A-liðið var  í þriðja sæti, þegar keppni hófst aftur.  Horfurnar voru því ekki bjartar um titilvörn, því gera mátti ráð fyrir að Huginn kæmi með öflugt lið í seinni hluta keppninnar og það sama var hægt að gera ráð fyrir hjá Fjölni, sem leiddi keppnina.  Hófst nú æsispennandi seinni hluti, en við mættum Fjöni í fyrstu umferð meðan Huginn fékk frekar létt prógram, en þeir mættu botnliði KR, sem hafði ekki riðið feitum hesti í keppninni.  Leikar fóru þannig að Víkingaklúbburinn náði að vinna Fjölni með minnsta mun, meðan óvænt úrslit litu dagsins ljós í hinni topp viðureinginni.  KR-ingar náðu óvænt 3.5 vinningum, gegn ofursveit Huginsmanna.  Réði þar mestu sigur öldungsins knáa Gunnars Gunnarssonar á áttunda borði.  Í viðureing laugardagsins mættust svo Huginn og Víkingar.  Víkingar náðu að merja góðan sigur á Huginn með minnsta mun, en sigurinn hefði getað orðið stærri, ef Jón L. Árnason hefði náð að vinna Magnús Örn Úlfarsson.  Síðustu tvær umferðirnar voru svo æsispennadi, því öll þrjú liðin áttu möguleika allt til enda, en Víkingar áttu samt léttasta prógrammið eftir, og unnu 8-0 sigur á KR í næst síðustu umferð, en í síðustu umferð unnum við sigur á TR-b, 7.5-0.5.  Víkingaklúburinn varð því Íslandsmeistari í fjórða skiptið.

Úrslit í 1. deild hér: 

2. deild.

Baráttan í 2. deild var spennuþrungin, en Víkíngaklúbburinn átti á brattan að sækja fyrir seinni hluta keppninnar.  Samt munaði ekki miklu á liðunum í sex efstu sætunum þegar þrjár umferðir voru eftir, og því var fræðilegur möguleiki á að vinna deildina, ef við næðum að safna saman okkar sterkasta liðið.  Þegar á hólminn var komið, kom í ljós að Selfoss liðið hafði bætt við sig einum stórmeistara og því voru vinningslíkur þeirra mjög góðar sem var svo rauninn.  Víkingar náðu þó góðum úrslitum og í síðustu umferð gegn Bolungarvík-b, eftir að staðan hafði verið slæm á tímabili.  Víkingaklúbburinn mun því eiga tvö lið á næsta ári í efstu deild.  Það verkefni er krefjandi en skemmtileg áskorun.

Úrslit í 2. deild hér:

3. deild.

C-liðið átti á brattan að sækja í þriðju deild.  Við mættum nokkuð vel mannaðir í seinni hlutan og náðum nokkrum góðum úrslitum, en það vantaði aðeins herslumuninn að liðið náði að blanda sér í toppbaráttuna.  Liðið var skipað nokkrum úrvals skákmönnum, sem fylgt hafa klúbbnum í mörg ár.  Við gerum vonandi betur næst.

Úrslit í 3. deild hér:

D-liðið var skipað yngstu liðsmönnum okkar sem margir fengu sína fyrstu eldskírn í kappskák.  Dýrmæt reynsla, sem skilar sér vonandi síðar.  Aldrei hafa fleirri ungir liðsmenn fengið tækifæri með liðinu, en reynslumesti strákurinn var Einar Dagur Brynjarsson (fæddur 2009).  Á tveim efstu borðunum telfdu oftast eldri og reynslumeiri skákmenn sem höluðu inn nokkrum vinningum.

Úrslit í 4. deild hér:

Niðurstaðan var því nokkuð góð, eitt gull í efstu deild og silfur verðlaun í annari deild.  Við þurfum því enn að bíða eftir gulli í 2. deild, en vonandi náum við því á næstu árum, en þó ekki á næstu keppni, því við höfum ekkert lið í 2. deild í haust, en í staðin teflum við fram tveim liðum í efstu deild :)

Frétt um mótið á skak.is hér:
Skákþáttur Morgunblaðsins hér: